Oʻzbekiston xaritasida Yangi Qarshi paydo boʻladi
Shahar 500 ming aholiga moʻljallanadi
Shavkat Mirziyoyev Qarshi shahri, Qukdala va Qarshi tumanlari tutashgan hududda Yangi Qarshi shahrini barpo etish rejalashtirilganini maʼlum qildi. Shahar hududi 5 000 gektarni tashkil etadi.
Zamonaviy shaharsozlik yechimlariga asoslangan bosh reja ikki oy ichida ishlab chiqiladi, bu ishlar uchun dastlab 20 mlrd soʻm ajratiladi. Loyihani ishlab chiqishga nufuzli arxitektura kompaniyalari jalb etiladi.
Yangi hududlarda koʻp qavatli uylar, savdo va biznes markazlari quriladi. Ular «yashil shahar» va «aqlli shahar» tamoyillari asosida barpo etiladi. Viloyatda yashil hududlarni kengaytirish va koʻchat ekish boʻyicha «Qashqadaryo tajribasi» ham yaratiladi, har yili oʻtkaziladigan «Eng yashil mahalla» tanlovi gʻoliblariga elektromobillar va boshqa qimmatbaho sovgʻalar topshiriladi.
