Oʻzbekistonda raqamli chorvachilik bilan shugʻullanishadi
Loyiha 20 mln dollarga baholandi
Oziq-ovqat xavfsizligi qoʻmitasi rahbari Azizbek Urunov Janubiy Koreyaning INPRO Inc. kompaniyasi bosh direktori Chhve Syn Hyok bilan muzokara oʻtkazdi. Muzokaralar yakunida tomonlar oʻzaro anglashuv memorandumini imzoladi.
Kompaniya DLGS platformasini taqdim etdi. Platforma xalqaro ISO/ICAR standartlariga javob beradigan quloqqa taqiladigan RFID-birkalar va bulutli texnologiyalarga asoslangan. Tizim hayvonlar haqidagi maʼlumotlarni turli bosqichlarda — tugʻilishi va sogʻligʻi holatidan tortib, emlash hamda koʻchirilishigacha — yigʻishga moʻljallangan.
Hujjat Oʻzbekistonda raqamli chorvachilik va genetika loyihalariga 20 mln dollar jalb etilishini nazarda tutadi. Hamkorlikka mahalliy korxonalar, ilmiy muassasalar va fermer xoʻjaliklarini jalb qilish rejalashtirilgan. Bundan tashqari, tomonlar qoʻshma tadqiqotlar oʻtkazish va mutaxassislarni oʻqitishni moʻljallamoqda.
