Toshkent AQShning Oppenheimer kompaniyasi bilan munitsipal obligatsiyalar chiqarishni koʻrib chiqdi
Tomonlar shahar tashabbuslari uchun investitsiyalar va moliyalashtirish manbalarini izlashni rejalashtirmoqda
Toshkentda Oppenheimer & Co. investitsiya-banking kompaniyasi bilan hamkorlik toʻgʻrisida kelishuv tuzildi.
Bundan oldin Toshkent hokimi Shavkat Umurzakov va Oppenheimer & Co. kompaniyasining Yevropa, Yaqin Sharq va Afrika mintaqasidagi investitsiya-banking yoʻnalishi bosh ijrochi direktori Maks Lami oʻrtasida muzokaralar boʻlib oʻtgan.
Uchrashuvda shaharning xalqaro kapital bozorlariga chiqishi va munitsipal obligatsiyalar chiqarish imkoniyati koʻrib chiqildi. Alohida ravishda tomonlar keng koʻlamli infratuzilmaviy va shaharsozlik loyihalariga mablagʻ jalb etish, davlat-xususiy sherikligini rivojlantirish, xalqaro moliyaviy vositalar hamda shahar moliyasini boshqarish boʻyicha xorijiy yondashuvlarni koʻrib chiqdi.
Ishtirokchilar mahalliy mutaxassislarning malakasini oshirish masalasiga ham toʻxtaldi. Kelishuv xalqaro moliya institutlari va investorlar bilan hamkorlikni mustahkamlashi, shuningdek, Toshkentning istiqbolli loyihalari uchun qoʻshimcha mablagʻ manbalarini topish imkonini berishi kutilmoqda.
