NASA kosmik missiyalarni tanlash qoidalarini ularni tezroq ishga tushirish uchun oʻzgartiradi
Agentlik arizalarni topshirish jarayonini soddalashtirishni, ilmiy loyihalarni koʻrib chiqish muddatlarini qisqartirishni va ularni tayyorlash xarajatlarini kamaytirishni rejalashtirmoqda.
NASA Competition Model 2.0 nomli ilmiy missiyalarni tanlashning yangi tizimini taqdim etdi. Bu haqda 21-oktabr kuni agentlikning ilmiy boʻlinmasi rahbari Niki Foks maʼlum qildi.
Yangi model olimlar, universitetlar va xususiy kompaniyalarga loyihalarni tezroq ilgari surish imkonini beradi. Dastlab NASA takliflarning ilmiy qiymatiga eʼtibor qaratadi, batafsil muhandislik va moliyaviy hisob-kitoblar esa keyinroq talab qilinadi.
Bir qator dasturlar uchun dastlabki arizalar hajmi qariyb ikki baravar qisqartiriladi, tanlov muddatini esa 35 oydan 19,5 oygacha kamaytirish rejalashtirilmoqda. Kichik missiyalar uchun bir bosqichli tanlov joriy etilib, jarayon 32 oydan 19 oygacha qisqartiriladi.
Shu bilan birga, NASA loyihalar byudjeti va ularni amalga oshirish muddatlari ustidan nazoratni kuchaytiradi. Jiddiy qoidabuzarliklar missiyalar bekor qilinishiga olib kelishi mumkin.
Yana oʻqing
