FIFA Oʻzbekiston va Ozarbayjonda U-20 jahon chempionatini oʻtkazish muddatlarini tasdiqladi
Muxlislarni dastlabki roʻyxatga olish allaqachon boshlangan, biroq chiptalar narxi va ularni sotish muddatlari hozircha eʼlon qilinmagan.
23-oktabr, 11:20
Wikimedia Commons · Hurfer · CC BY-SA 4.0
Qaror 22-oktabr kuni FIFA Kengashi Byurosi yigʻilishida qabul qilindi. 24 ta terma jamoa ishtirokidagi turnir 2027-yil 17-sentabrdan 9-oktabrgacha Oʻzbekiston va Ozarbayjonda boʻlib oʻtadi.
FIFA rasmiy saytida roʻyxatdan oʻtgan muxlislarga chiptalar savdosi boshlanishi haqida xabar yuboriladi. Chempionat musobaqalar tarixidagi 25-turnir boʻladi va 1977-yilda Tunisda oʻtkazilgan ilk musobaqaning 50 yilligiga bagʻishlanadi.
Reklama
