Turkiyalik investorlar Oʻzbekiston aktivlarini 350 mln dollarga sotib oldi
Turkiyaning Oʻzbekiston iqtisodiyotiga kiritgan investitsiyalari hajmi qariyb 10 mlrd dollarni tashkil etdi, deya maʼlum qildi 19 oktabr kuni AUGA direktori Sohibjon Murodov.
Soʻnggi yillarda Oʻzbekistonning oʻttizdan ortiq davlat aktivlari turkiyalik investorlarga oʻtdi; bitimlarning umumiy qiymati qariyb 350 mln dollarni tashkil etdi.
Samarqandda Oʻzbekiston va Turkiya oʻrtasidagi sanoat kooperatsiyasi muhokama qilingan SamAuto Supplier Day uchrashuvi boʻlib oʻtdi. Kun tartibidagi mavzulardan biri SamAutoʻni xususiylashtirish boʻldi: 2025 yilda korxonaning 75,2 foizini Anadolu Isuzu sotib oldi.
Davlat aktivlarini boshqarish agentligida bu bitim ishlab chiqarishni rivojlantirish, mahalliylashtirishni oshirish va eksport salohiyatini kengaytirish uchun qoʻshimcha imkoniyatlar yaratgan, deb hisoblashmoqda.
