Kambarata GES-1: uni qurish yoʻlida yana bir qadam tashlandi

Qirgʻiziston energetika vaziri Altynbek Rysbekov parlament qoʻmitasidagi chiqishida loyiha infratuzilmasining bir qismi tayyor ekanini maʼlum qildi. Kirish yoʻllari, TT-2 tunnelining bir qismi va Norin daryosi ustidagi koʻprik qurilishi, shuningdek, elektr uzatish liniyasi hamda quruvchilar uchun vaqtinchalik shaharcha barpo etilishi allaqachon yakunlangan.

Stansiyani qoʻshma korxona boshqaradi. Unda Qirgʻizistonga 34 foiz, Qozogʻiston va Oʻzbekistonga esa 33 foizdan ulush ajratiladi.