Daft Punk uchun rasmiy LEGO toʻplami yaratiladi
Konstruktor futuristik dubulgʻalari va elektron musiqa janridagi xitlari bilan tanilgan musiqachilarga bagʻishlanadi.
LEGO Ideas Alive 2007 gastrol safarining piramida shaklidagi sahnasi aks etgan toʻplam haqidagi muxlislar gʻoyasini ishlab chiqish bosqichiga oʻtkazishga ruxsat berdi. Loyiha Lyuksemburgdagi ota va oʻgʻil yaratgan modelga asoslangan.
Taqdim etilgan videoda Daft Punk minifiguralari ularni detallardan yigʻilgan konsolga boshlab borayotgan qizil golografik LEGO kubigi ortidan ergashadi. Videoga «Voyager» va «Human After All» kompozitsiyalari saundtrek boʻlgan.
Bu gʻoya 2020 yilda LEGO Music to Our Ears tanlovida gʻolib boʻlgan, keyin esa LEGO Ideas platformasida 10 000 nafar tarafdor toʻplagan. Loyiha muallifi Patrik Harbun rasmiy versiya ustidagi ishni davom ettiradi; namoyish etilgan muxlislar modeli yakuniy mahsulot hisoblanmaydi.
