Toshkentdagi Fargʻona shossesida avtobus yoʻlaklarini nazorat qiluvchi kameralar oʻrnatildi
Qurilmalar har ikki yoʻnalishda 6 km uzunlikdagi qismdagi harakatni nazorat qiladi, deb xabar berdi Yoʻl harakatini tashkil etish markazi.
Muharrir: Азиза13-oktabr, 13:11
Tasvir sunʼiy intellekt yordamida yaratilgan
Kameralar jamoat transporti uchun ajratilgan, «A» belgisi tushirilgan yoʻlaklarda harakatlanish qoidalariga rioya etilishini nazorat qilish uchun oʻrnatildi.
Soat 06:00 dan 23:00 gacha boshqa avtomobillarning ushbu yoʻlaklardan harakatlanishi taqiqlanadi. Cheklovga rioya qilinmagan holatlar avtomatik tarzda qayd etiladi.
Shunga oʻxshash videonazorat tizimlari Toshkentning boshqa koʻchalarida ham bosqichma-bosqich oʻrnatilmoqda. Ularni joriy etish avtobuslar harakati uchun ustuvor sharoit yaratish va jadvaldan chetlanishlarni kamaytirishga qaratilgan.
Reklama
ReklamaReklama beruvchilar uchun
Manba: repost.uz
