OpenAI kutilgan 70 mlrd dollar oʻrniga yillik daromadi 50 mlrd dollar ekanini maʼlum qildi
Kompaniya investorlarga taqdim etilgan maʼlumotlarga aniqlik kiritib, hisob-kitoblardan bulutli hamkorlar daromadini chiqarib tashladi, deb xabar bermoqda Financial Times.
OpenAI investorlarga sentabr holatiga yilliklashtirilgan daromadi 50 mlrd dollarni tashkil etishini rasman maʼlum qildi. Avvalroq manbalar bu koʻrsatkichni 70 mlrd dollar deb baholagan edi, biroq kompaniya Amazon AWS va Google Cloud kabi bulutli platformalardan tushadigan daromadlarni hisob-kitobga kiritmaydi.
Iyul oyida OpenAI daromadi avval xabar qilingan 40 mlrd dollar emas, qariyb 30 mlrd dollarni tashkil etgan. Ikki oy ichida koʻrsatkich qariyb 70 foizga oshgan, chunki hisob-kitob uchun pastroq boshlangʻich summa asos qilib olingan. Kompaniya hamon zarar koʻrmoqda va 2030 yilgacha topadigan daromadidan 280 mlrd dollarga koʻproq mablagʻ sarflashni rejalashtirmoqda.
OpenAI hozircha birjaga chiqishni rejalashtirmayapti va sunʼiy intellekt xavfsizligiga oid yangi talablarga moslashish uchun xususiy kompaniya boʻlib qolmoqchi.
