Varshava va Vashington Polshada AQSh harbiy bazasini yaratishni muhokama qildi
Polsha va AQSh doimiy Amerika bazasini, Varshavaning Tomahawk raketalarini xarid qilishini hamda qoʻshma sanoat loyihalarini muhokama qildi.

19 noyabr kuni Polsha Mudofaa vazirligining davlat kotibi Sezari Tomchik Varshavada AQSh davlat kotibining qurollarni nazorat qilish va xalqaro xavfsizlik masalalari boʻyicha oʻrinbosari Tomas DiNanno bilan uchrashdi. Tomchikning soʻzlariga koʻra, tomonlar NATOning sharqiy qanoti xavfsizligini ham muhokama qilgan.
Tomchik AQSh Davlat departamenti Polshaning saʼy-harakatlarini qoʻllab-quvvatlashini aytdi. Avvalroq Polsha Mudofaa vazirligi rahbari Kosinyak-Kamysh va moliya hamda iqtisodiyot vaziri Andjey Domanskiy Varshavaning AQSh harbiylarini doimiy joylashtirish uchun baza qurilishini moliyalashtirishga tayyorligini bildirgan edi.




