Ilon Maskning dunyodagi eng yirik Colossus 2 superkompyuteri Anthropic kompaniyasiga xizmat koʻrsatadi
Bir nechta shartnomaning jami summasi potensial ravishda 120,5 milliard dollarni tashkil etishi mumkin, hisoblash quvvatlaridan toʻliq foydalanilganda esa oylik toʻlovlar 3,1 milliard dollarga yetadi
IPO uchun taqdim etilgan hujjatlarda Anthropic kompaniyasining sunʼiy intellekt vazifalari uchun Nvidia akseleratorlari bilan jihozlangan hisoblash quvvatlarini SpaceXAI kompaniyasidan ijaraga olish boʻyicha shartnomalari bayon qilingan.
Shartnomalar 2026 yil mayidan oktabrigacha rasmiylashtirildi va ularga tuzatishlar kiritildi. Kompaniya ularda nazarda tutilgan resursning barchasini 2026 yil dekabriga qadar olishni kutmoqda. Shu paytgacha xizmatlar narxi foydalanish mumkin boʻlgan quvvatlarning oshishiga qarab oʻzgaradi.
Shartnomalarning dastlabki majburiy muddatlari 2027 yil yanvar va mart oylarida tugaydi. Shundan soʻng tomonlarning istalgan biri boshqa tomonga 90 kun oldin yozma ravishda xabar yuborib, tegishli kelishuvni bekor qilishi mumkin.
