Netflix yulduzi Rayan Serhant ijtimoiy tarmoqlar uchun raqamli egizak yaratdi
Aktyor Instagram, TikTok va X platformalarida har kuni koʻchmas mulk boʻyicha darslar eʼlon qiladigan AI-avatarni ishga tushirdi, deb yozadi Variety.
Netflixʼning «Owning Manhattan» seriali orqali tanilgan Rayan Serhant HeyGen kompaniyasi bilan hamkorlik qilmoqda. Kompaniya uning tashqi koʻrinishi va ovozini takrorlaydigan raqamli egizak — AI-avatar yaratdi.
Yangi akkauntda bir yil davomida kuniga kamida bitta video eʼlon qilinadi. Kontentni Serhant va uning jamoasi tayyorlaydi, shunda avatar uning gʻoyalarini aniq yetkazadi. Rieltorning oʻzi ham videolar suratga olishda davom etadi, biroq AI unga suratga olishlarsiz oʻz tajribasi bilan tez-tez boʻlishish imkonini beradi.
Serhant AQShning 19 hududida koʻchmas mulk imperiyasini hamda yuz nafar xodim ishlaydigan kontent studiyasini boshqaradi.
