Toshkent — Astraxan poyezdi 17-dekabrdan qatnay boshlaydi
Toshkent va Astraxan oʻrtasida toʻgʻridan-toʻgʻri poyezd 2026-yil 17-dekabrdan haftasiga bir marta qatnay boshlaydi. Bu haqda Oʻzbekiston Transport vazirligi maʼlum qildi.
17-noyabr, 18:12

150-sonli poyezd «Toshkent-Markaziy» vokzalidan payshanba kunlari soat 18:00 da joʻnab, mahalliy vaqt bilan shanba kunlari soat 19:00 da Astraxanga yetib boradi.
149-sonli qaytish reysi 20-dekabrdan qatnay boshlaydi: Astraxandan joʻnab ketish yakshanba kuni soat 02:01 ga, Toshkentga yetib kelish esa seshanba kuni soat 04:35 ga rejalashtirilgan. Yoʻnalish Qozogʻistondagi Qandiagʻash va Aqtobe, shuningdek Rossiyadagi Iletsk, Orenburg va Samara orqali oʻtadi.




