Gal Gadot «Arslonni boqma» kitobi ekranizatsiyasida bosh rolni ijro etishi mumkin
Aktrisaga tegishli prodyuserlik kompaniyasi oilaviy film ustida ishlash uchun Fox Entertainment Studios bilan hamkorlik qildi.

Gal Gadot va uning turmush oʻrtogʻi Jaron Varsano asos solgan Pilot Wave Motion Pictures prodyuserlik kompaniyasi Donʼt Feed the Lion («Arslonni boqma») romanini ekranlashtirish ustida ishlaydi. Loyihaga, shuningdek, Fox Entertainment Studios va hikoyalar yaratishga ixtisoslashgan Simon Wiesenthal markazining boʻlinmasi — Moriah Media ham qoʻshildi. Gadot ijrochi prodyuser sifatida qatnashadi va ehtimol, rollardan birini ijro etadi.
Jurnalist ayollar Bianna Golodryga va Yonit Levi tomonidan yozilgan hamda 2025 yilda nashr etilgan kitob 13 yoshli Teo Kaplan, uning oʻzidan kichik singlisi Enni va sinfdoshi Geyb haqida hikoya qiladi. Theoning sevimli futbolchisi internetda antisemitik xabar eʼlon qilganidan soʻng, oʻsmirlar Chikagodagi maktabida nafrat tarqalishiga duch keladi. Ular xurofot va tengdoshlar bosimiga qarshi turishlari, shuningdek, oʻz eʼtiqodlarini himoya qilishni oʻrganishlari kerak boʻladi.
Mualliflar romanni farzandlarining antisemitizm kuchayishi va bu mavzuni yoritadigan oʻsmirlar uchun badiiy adabiyot yetishmasligi haqidagi savollariga javoban yaratgan. Suratga olish ishlari qachon boshlanishi va film qachon namoyish etilishi hozircha eʼlon qilinmagan.




