Avstraliya sudi Mount Pleasant koʻmir koni kengayishini toʻxtatdi
Sud loyiha doirasidagi issiqxona gazlari chiqindilarini imkon qadar kamaytirish talabi bajarilmaganini aniqladi, deyiladi Avstraliya Oliy sudining qarorida.
Yangi Janubiy Uelsdagi Mount Pleasant konini kengaytirish rejasi toʻxtatilishi kerakligi belgilandi. Bu qaror qazilma yoqilgʻi loyihalarini baholashda ularning iqlimga yetkazadigan zararini ham hisobga olish zarurligini anglatadi.
Ishni isteʼfodagi fan oʻqituvchilari Vendi Uels va Toni Lonergan olib borgan. Ular Avstraliyaning koʻmir qazib olinadigan hududidagi loyiha ustida yillar davomida bahslashgan.
Kon operatori Mach Energy faoliyat muddatini 2048-yilgacha, yaʼni 20 yildan koʻproq uzaytirish va yillik ishlab chiqarishni deyarli ikki barobar oshirishni soʻragan edi. Kompaniya qarordan hafsalasi pir boʻlganini, biroq kon faoliyatini davom ettirish uchun mavjud imkoniyatlardan foydalanishini bildirdi.
