Reklama
Biznesingiz uchun Telegram’da reklama · TCA Media
RUUZEN
Reklama
Biznesingiz uchun Telegram’da reklama · TCA Media
MB kursiUSD 12 004,48EUR 13 155,71RUB 146,56Shanba, 21-noyabr 2026-yil
Texnologiyalar

Tesla Cybercabʼning yangi versiyasida kamera va Starlink uskunasi topildi

Tesla Cybercab V1.5 bagajxonasida qolib ketgan buyumlarni tekshirish uchun moʻljallangan deb taxmin qilinayotgan kamera, tomida esa Starlink uskunasi topildi.

21-noyabr, 12:43
ixbt.com

Tesla robotaksi Cybercab tijoriy foydalanishga topshirilgach, uning jihozlarini takomillashtirishda davom etdi. V1.5 versiyasi bagajxonasi qopqogʻida qoʻshimcha kamera topildi. Taxminlarga koʻra, u yoʻlovchilar ichkarida chamadon, paket yoki boshqa buyumlarni qoldirib ketmaganini tekshirishi mumkin.

Cybercab — rul, pedallar va yon koʻzgulari boʻlmagan, ikki oʻrinli elektromobil. Model toʻliq avtonom boshqaruvga moʻljallangan. Tesla maʼlumotlariga koʻra, qariyb 570 litr hajmdagi bagajxonaga ikkita katta chamadon va ikkita qoʻl yuki sigʻadi. Salonda diagonali 21 dyuym boʻlgan markaziy sensorli ekran oʻrnatilgan.

Yangi avtomobillarning tomiga integratsiya qilingan Starlink uskunasi ham koʻzga tashlandi. Cybercab Tesla kompaniyasining oʻz robotaksi xizmatiga asos sifatida yaratilmoqda.

Reklama
Biznesingiz uchun Telegram’da reklama · TCA Media

19 noyabr kuni kompaniya Dallasda Cybercabʼda qatnovlarni yoʻlga qoʻydi. Bu yoʻlovchilar aynan shu modeldan foydalanishi mumkin boʻlgan Ostindan keyingi ikkinchi shahardir.

Avvalroq Tesla Cybercabʼni xususiy xaridorlarga sotishni tez orada boshlashini eʼlon qilgan edi. Ayrim mijozlarga buyurtma rasmiylashtirish uchun taklifnomalar allaqachon yuborilmoqda, biroq narx va sotuvlar boshlanadigan aniq sana dastlabki materialda koʻrsatilmagan.