Berria asfalt va grunt yoʻllari uchun elektr velosipedini taqdim etdi
Yangi Mistral Essential Apex ikki versiyada ishlab chiqariladi: shosse va shagʻalli yoʻllar uchun. Asosiy farq turli qoplamalarga moʻljallangan shinalarda. Narxi bir xil — 3500 yevro.

Modelning oʻziga xos jihati — Avinox M2 elektr motori. Uning nominal quvvati 250 Vt, eng yuqori quvvati esa 1100 Vtga yetadi. Boost rejimida aylantiruvchi moment 125 N·mgacha oshadi. Pedallarni aylantirish qiyinlashadigan koʻtarilishlarda bunday tortish zaxirasi asqatadi.
Velosiped 600 Vt·soat sigʻimli akkumulyator bilan jihozlangan. Bir marta quvvatlanganda qancha masofani bosib oʻtish mumkinligi maqolada aniqlashtirilmagan. Safar haqidagi maʼlumotlar diagonali ikki dyuym boʻlgan ekranga chiqariladi.
Rama alyuminiydan, vilka esa karbon tolasidan tayyorlangan. Yangi velosipedning ogʻirligi 17,7 kg. Tezlikni tanlash uchun 12 ta uzatma mavjud, tormozlashni esa ikkala gʻildirakdagi SRAM gidravlik diskli tormozlari taʼminlaydi.
Qanotlar, yuk tashuvchi moslama va zanjir himoyasi toʻplamga kirmaydi: kundalik yurishlar uchun bu aksessuarlarni alohida tanlashga toʻgʻri keladi.




