Yangi Zelandiya muzliklarning halokatli darajada erishiga duch kelishi mumkin
Hukumat hisobotiga koʻra, mamlakatda harorat 1909-yildan buyon 1,36°C ga koʻtarilgan, muzliklar hajmi esa 26 yil ichida 56 dan 30 kub kilometrgacha qisqargan, deb yozadi The Guardian.
Shaharlar, atrof-muhit, hududlar va transport vazirligi (Mcert) hamda Stats NZ «Bizning atmosferamiz va iqlimimiz 2026» nomli hisobotni eʼlon qildi. Unda keltirilishicha, Yangi Zelandiyada issiqxona gazlari darajasi rekord koʻrsatkichga yetgan, kuzatuvlar tarixidagi eng iliq oʻnta yilning yettitasi esa soʻnggi oʻn yillikka toʻgʻri kelgan.
1997-yildan 2023-yilgacha mamlakatdagi muzliklar hajmi 56 dan 30 kub kilometrgacha kamaydi. Prognozlarga koʻra, 2100-yilga borib, tashlamalar darajasi past boʻlganda ular oʻz hajmining 14 foizidan 86 foizigacha, tashlamalar darajasi yuqori boʻlganda esa 100 foizgacha qismini yoʻqotishi mumkin. 2025-yilda Yangi Zelandiya qirgʻoqlari yaqinidagi okean suvlari jahon boʻyicha oʻrtacha koʻrsatkichga nisbatan 34 foiz tezroq isigan.
Hisobotda taʼkidlanishicha, 2050-yilga kelib mamlakatda jazirama toʻlqinlari tez-tez kuzatiladi: harorat 25°C dan oshadigan kunlar koʻpayib, aholi salomatligi hamda iqtisodiyot uchun xatarlar kuchayadi.
