Kolumbiyada kosmosdan koʻrinadigan ulkan nilufarning yangi turi aniqlandi
Olimlar ilgari bu turkum topilmagan Inirida daryosida Victoria colombiana mavjudligini tasdiqladi, deb xabar beradi Phytotaxa jurnali.
Kolumbiya changalzorlarida ulkan nilufarning yangi turi botanik Karlos Magdalena uni Instagramʼdagi suratda payqab qolgach aniqlandi. Oʻsimlikning diametri uch metrga yetadi va u sunʼiy yoʻldoshdan koʻrinadi.
Ekspeditsiya Victoria colombiana morfologiyasi va tarqalish hududi bilan boshqa turlardan farq qilishini tasdiqladi. Tabiatda uning atigi 30–50 ta namunasi qolgan, shu bois tur oʻta zaif holatda. Olimlar uni IUCN Qizil roʻyxatiga kiritishni va botanika bogʻlarida koʻpaytirishni rejalashtirmoqda.
Bu kashfiyot mahalliy jamoalar bilan hamkorlik va sunʼiy yoʻldosh suratlarini tahlil qilish orqali amalga oshdi. Hozir tadqiqotchilar Bogota va Kyu qirollik botanika bogʻlarida yetishtirish uchun urugʻlar toʻplamoqda.
