Buyuk Britaniya Shimoliy Atlantikadagi suvosti kabellarini himoya qilishga 90 mln funt sterling ajratadi
Dauning-strit xabariga koʻra, mablagʻ Britaniya harbiy-dengiz kuchlari uchun dronlar, sensorlar va sunʼiy intellekt tizimlariga sarflanadi.
10-noyabr, 19:31

Republish · Emanuel Haas, Unsplash
Ushbu paket «Atlantika bastioni» dasturiga kiritiladi. Rejaga koʻra, harbiy-dengiz kuchlari dushman suvosti kemalarini kuzatib boradi hamda dengiz tubidagi hayotiy muhim obyektlarning uzoqqa choʻzilgan tarmogʻini, jumladan aloqa kabellari va energetika liniyalarini qoʻriqlaydi.
Loyiha doirasida hukumat, shuningdek, Gempshir grafligidan Ocean Infinity Solutions kompaniyasi bilan shartnoma tuzadi. Kompaniya dengiz robototexnikasi bilan shugʻullanadi. Hukumat bahosiga koʻra, bitim qariyb 200 ta ish oʻrni yaratadi va Britaniya iqtisodiyotining mudofaa sanoatini qoʻllab-quvvatlaydi.




