Jeyson Steytem Gay Richi filmida rol oʻynaydi: loyiha haqida nimalar maʼlum
Netflix Jeyson Steytem ishtirokidagi Dogfight filmini tayyorlamoqda; Gay Richi loyiha ssenariysi, rejissurasi va prodyuserligi uchun masʼul. Buyuk Britaniyada suratga olish ishlari 2027-yil boshiga rejalashtirilgan.
Syujet tafsilotlari hozircha oshkor qilinmagan. Netflix loyihani Londonning jinoiy muhitida kechadigan qasos haqidagi jangari film sifatida taʼriflamoqda. Filmda oʻziga xos qahramonlar va jadal ekshn sahnalari boʻlishi kutilmoqda.
Loyihani ishlab chiqarishga Black Bear, Toff Guy Films va Punch Palace kompaniyalari jalb qilingan. Prodyuserlar qatorida Jeyson Steytem, Ivan Atkinson va Jon Fridberg ham koʻrsatilgan.
Steytem va Richi avval ham kinoda hamkorlik qilgan. 1998-yilda ular «Kartalar, pul va ikki stvol» filmini, ikki yil oʻtib esa «Katta oʻlja»ni chiqargan. Keyin «Revolver» (2005) va «Inson gʻazabi» (2021) filmlari ham boʻlgan. Ularning hamkorlikdagi eng soʻnggi chiqqan filmi «“Fortuna” operatsiyasi: Gʻalaba sanʼati» (2023) boʻlgan.
