Adabiyot boʻyicha 2026 yilgi Nobel mukofoti Enn Karsonga berildi
Kanadalik yozuvchi va shoira mumtoz anʼanalarni zamonaviy shakllar bilan uygʻunlashtirgan novatorlik asarlari uchun mukofot oldi, deb xabar berdi Nobel qoʻmitasi.
Условия / Shartlar / Terms
Own work · Изменён размер и формат файла.Nobel qoʻmitasi Enn Karsonni 2026 yilgi adabiyot boʻyicha Nobel mukofoti laureati deb eʼlon qildi. Uning ijodi zamonaviy adabiyotda yangi janrlarni yaratadigan “jasur va ixtirokor yondashuv” bilan ajralib turadi.
Karson 2001 yilda T.S. Eliot sheʼriyat mukofotini olgan birinchi ayol boʻlgan. Shuningdek, u Ispaniyaning Asturiya malikasi mukofoti (2020) laureatidir. Uning eng mashhur asari — qadimgi yunon mifologiyasidagi Gerion haqidagi afsonaga asoslangan “Qizilning avtobiografiyasi” sheʼriy romani. Unda mahluq haqidagi voqea sevgi va ulgʻayish davrini boshdan kechirayotgan oʻsmir haqidagi hikoyaga aylanadi.
Bu yilgi mukofot Nobel mukofotining 125 yilligi sharafiga 12 mln Shvetsiya kronasigacha (taxminan 1,2 mln dollar) oshirildi. Taqdirlash marosimi 10 dekabr kuni Stokgolmda boʻlib oʻtadi.
