Hafta davomida havo harorati meʼyordan 8–10 daraja yuqori boʻladi — Oʻzgidromet
Oʻzbekistonda quruq va iliq ob-havo kutilmoqda, hafta oxiriga kelib harorat meʼyordan 8–10 daraja yuqori boʻladi.

17–18 va 20 noyabr kunlari shimolning ayrim hududlari hamda choʻl zonasida yomgʻir yogʻishi mumkin. Togʻli hududlarda 18–20 noyabr kunlari yomgʻir va qor koʻrinishidagi yogʻingarchilik kutilmoqda.
17 noyabr kechasi harorat +3…+8 daraja, kunduz kuni esa +13…+18 daraja boʻladi. Keyingi kunlarda havo asta-sekin isib, kechasi +7…+12 daraja, kunduz kuni +17…+22 darajagacha yetadi. 16–18 noyabr kunlari ayrim joylarda tuman tushishi mumkin, shamol sharqdan esadi.
Toshkentda yogʻingarchiliksiz oʻzgaruvchan bulutli ob-havo kutilmoqda. 16–18 noyabr kunlari kunduzgi harorat +15…+17 daraja, 19–20 noyabr kunlari esa +20…+22 darajagacha koʻtariladi.




