Oʻzbekistonlik parasportchilar Toshkent aeroportida tantanali kutib olindi

Terma jamoa Yaponiyada oʻtkazilgan Paraosiyo oʻyinlaridagi ishtirokidan soʻng Toshkentga qaytdi. Oʻzbekistonlik parasportchilar 45 ta oltin, 49 ta kumush va 51 ta bronza medalini qoʻlga kiritdi.

Jamoa 45 davlat ishtirok etgan musobaqada faqat Xitoy va Yaponiyadan ortda qoldi. Para yengil atletika, para suzish, para pauerlifting va paravelosport boʻyicha bellashuvlarda sportchilar bitta jahon va sakkizta Osiyo rekordini oʻrnatdi.

Aeroportda sportchilarni rasmiylar, murabbiylar, qarindoshlari va yaqinlari kutib oldi hamda ularni erishgan natijalari bilan tabrikladi.