Samarqand 2028-yilda Xalqaro astronavtika kongressiga mezbonlik qiladi
Rejaga koʻra, tadbir 9–13-oktabr kunlari oʻtadi va Markaziy Osiyoda bunday kongress ilk bor tashkil etiladi.
6-oktabr, 21:00

Benjamin Goetzinger / Wikimedia Commons
Oʻzbekiston Raqamli texnologiyalar vazirligi maʼlumotiga koʻra, 5-oktabr kuni Antaliyada 79-Xalqaro astronavtika kongressini Samarqandda oʻtkazish protokoli imzolandi. Hujjatga Oʻzbekiston raqamli texnologiyalar vaziri Sherzod Shermatov va Xalqaro astronavtika federatsiyasi prezidenti Gabriella Arrigo imzo qoʻydi.
Hozir Antaliyada 77-Xalqaro astronavtika kongressi oʻtmoqda, u 9-oktabrgacha davom etadi. Samarqandni 2028-yilgi kongress shahri sifatida federatsiya avvalroq tanlagan.




