Apple TV videopodkastlar orqali mavqeini mustahkamlaydi
Yangi funksiya alohida obuna rasmiylashtirmasdan Apple Podcastsʼdagi kontentni katta ekranlarga olib chiqish imkonini beradi.

Apple kompaniyasi oʻzining striming xizmatini yanada kengaytirmoqda: foydalanuvchilar videopodkastlarni bevosita Apple TV ilovasi orqali tomosha qilishlari mumkin boʻladi.
Foydalanuvchilar tomoshani iPhone yoki boshqa Apple qurilmasida boshlab, keyin televizorda aynan toʻxtagan joyidan davom ettirishlari mumkin. Koʻrish tarixi ilovalar oʻrtasida sinxronlanadi.
Bu qaror videopodkastlarning tobora ommalashib borayotgani bilan bogʻliq. Apple maʼlumotlariga koʻra, soʻnggi uch oyda platformada video eʼlon qiladigan shoular soni ikki baravardan koʻproqqa oshdi, mavjud videoepizodlar soni esa qariyb uch baravar koʻpaydi. Shu bilan birga, video versiyalarini qoʻshgan mashhur podkastlar auditoriyasi oʻrtacha 20 foizga oshdi.
Shu tariqa, Apple YouTube, Spotify va Netflix bilan faol raqobat qilayotgan podkastlar bozoridagi mavqeini mustahkamlashni koʻzlamoqda. Yangi funksiya mualliflarga qoʻshimcha auditoriyani jalb qilish va kontentni monetizatsiya qilish imkoniyatlarini kengaytirishga ham yordam beradi.
Yana oʻqing



