Skaloni Argentina terma jamoasi bilan shartnomasini 2030-yilgacha uzaytirdi
Argentina terma jamoasi bosh murabbiyi Lionel Skaloni AFA bilan yangi shartnomani 2030-yil yozigacha imzoladi.

Skaloni Argentina Futbol Assotsiatsiyasi rahbariyati bilan oʻtkazilgan matbuot anjumanida Urugvayga qarshi oʻyin oldidan kelishuv uzaytirilganini tasdiqladi. Shartnoma 2030-yil yozigacha amal qiladi.
Skaloni 2018-yilda milliy jamoani boshqara boshlagan. Uning rahbarligida Argentina jahon chempionati, Amerika kuboklari va Finalissimada gʻalaba qozondi. Yozda esa jamoa jahon chempionati finalida Ispaniyaga 0:1 hisobida magʻlub boʻldi.
Murabbiyning soʻzlariga koʻra, u faoliyatini davom ettirish haqidagi qarorni yaqinlari bilan maslahatlashgach qabul qilgan. Tomonlar tezda kelishib oldi, Skaloni esa yangi bosqichni yosh futbolchilarga oʻyin amaliyotini berish imkoniyati bilan bogʻladi. U avvalgi ishtiyoqi, energiyasi va motivatsiyasi saqlanib qolganini aytdi.




