Oʻzbekiston va BAA istiqbolli investitsiya loyihalarini muhokama qildi
Abu-Dabida energetika, raqamli infratuzilma, moliya va boshqa sohalarda hamkorlikni kengaytirish masalalari boʻyicha muzokaralar boʻlib oʻtdi.
7-oktabr kuni Oʻzbekiston investitsiyalar, sanoat va savdo vaziri Laziz Qudratov Abu-Dabida Investopia Bridge 2026 forumi hamda biznes davra suhbatida ishtirok etdi.
Uchrashuvlar davomida tomonlar energetika, raqamli infratuzilma, sunʼiy intellekt, moliya sektori, kimyo sanoati, qishloq xoʻjaligi, turizm, transport va koʻchmas mulkni rivojlantirish sohalaridagi hamkorlik istiqbollarini muhokama qildi.
Qudratov, shuningdek, BAAning iqtisodiyot va turizm, investitsiyalar va tashqi savdo vazirlari, shuningdek, mamlakatdagi yirik kompaniyalar rahbarlari bilan muzokaralar oʻtkazdi. Tashrif yakunida qoʻshma loyihalarni ilgari surish boʻyicha keyingi qadamlar belgilandi.
