Sinner operatsiya qilinishi mumkin: tizzani konservativ davolash samara bermadi
Dunyoning ikkinchi raketkasi Yannik Sinner tizzasidagi jarohat boʻyicha mutaxassislar bilan maslahatlashish uchun AQShga yoʻl olmoqchi. Bu haqda Italiyaning Vanity Fair Italy nashri yozdi.

Jurnal maʼlumotlariga koʻra, konservativ davolash hozircha “Katta dubulgʻa” turnirlarining besh karra gʻolibi kutgan samarasini bermadi. Italiyalik tennischi kortga hali ham qaytmadi: u toʻliq mashgʻulotlarni hanuz tiklagani yoʻq.
Sinner jamoasida hozircha operatsiya masalasi muhokama qilinmagan. Biroq oʻrta muddatli istiqbolda bunday ehtimol ham istisno etilmayapti: agar tizzadagi ogʻriq oʻtmasa va davolash ham samara bermasa, jarrohlar yordamisiz iloj boʻlmasligi mumkin.
Sinner 2026-yilgi Uimbldon turniridagi gʻalabasidan keyin birorta ham ATP turnirida oʻynamadi.




