Raqobat qoʻmitasi konsertlar reklamalarida 27 ta qoidabuzarlikni aniqladi
Eʼlonlarda chiqishlar jonli ijroda yoki fonogrammadan foydalanib oʻtkazilishi koʻrsatilmagan.
20-noyabr, 06:30

Raqobatni rivojlantirish qoʻmitasi sanʼatkorlar konsertlari haqidagi 27 ta eʼlonda qoidabuzarliklarni aniqladi. Jumladan, Lolita, Ani Lorak, Mayot, Izzat Shukurov, Rayhon Gʻaniyeva, Gʻaybulla Tursunov va Ummon guruhining chiqishlari haqidagi Instagram reklamasi qoidabuzarliklar bilan eʼlon qilingan. Shuningdek, roʻyxatga «Mashina vremeni», Toxi$ va Otar Kushanashvili bannerlari ham kiritilgan.
Qoʻmita tashkilotchilardan eʼlonlarni tuzatishni talab qildi. Qonunga koʻra, tomoshabinlar konsertda fonogrammadan foydalaniladimi-yoʻqmi, buni oldindan bilishi kerak.




