Reklama
Biznesingiz uchun Telegram’da reklama · TCA Media
RUUZEN
Reklama
Biznesingiz uchun Telegram’da reklama · TCA Media
MB kursiUSD 12 004,48EUR 13 155,71RUB 146,56Shanba, 21-noyabr 2026-yil
Iqtisodiyot

Oʻzbekiston va Global Olive Corporation mamlakatda zaytun yetishtirishni rivojlantirmoqda

Oʻzbekiston va Global Olive Corporation zaytun yetishtirish va uni qayta ishlash sohasidagi hamkorlikni kengaytirishni rejalashtirmoqda. Yoʻnalishlar qatoridan koʻchatlar yetkazib berish, agrotexnik koʻmak va mutaxassislar tayyorlash oʻrin olgan.

20-noyabr, 05:27

Qishloq xoʻjaligi vaziri Ibrohim Abdurahmonov Global Olive Corporation bosh direktori Georgiy Svanidze bilan uchrashdi. Tomonlar zaytunchilikni rivojlantirish masalalarini muhokama qilib, qoʻshma loyihani yangi bosqichga olib chiqishga kelishib oldi.

Ustuvor yoʻnalishlardan biri zaytun yetishtirishdan tortib uni qayta ishlash va tayyor mahsulot ishlab chiqarishgacha boʻlgan toʻliq ishlab chiqarish zanjirini yaratish ekani taʼkidlandi. Ishtirokchilar, shuningdek, zaytun moyi ishlab chiqarish infratuzilmasi, sifat nazorati hamda xalqaro eksport bozorlariga chiqish masalalarini koʻrib chiqdi.

Kadrlar tayyorlashga ham alohida eʼtibor qaratildi. Xususan, tomonlar yosh agronomlar va xorijiy mutaxassislar oʻrtasida tajriba almashish, zamonaviy agrotexnologiyalarni joriy etish hamda ekinlarni yetishtirishning ilmiy asoslangan usullarini muhokama qildi.

Reklama
Biznesingiz uchun Telegram’da reklama · TCA Media