Rossiya, Xitoy va AQSh rahbarlari deklaratsiyasi matni eʼlon qilindi
Deklaratsiya Vladimir Putin, Si Szinpin va Donald Trampning 2026-yil 19-noyabr kuni Shenchjendagi APEC forumi doirasidagi uchrashuvidan soʻng qabul qilindi.

Hujjatda uch davlat strategik barqarorlik va xalqaro xavfsizlikka sodiqligini bildirdi. Rossiya, Xitoy va AQSh, shuningdek, BMTni global muammolarga samaraliroq javob beradigan tarzda isloh qilishni qoʻllab-quvvatladi.
Tomonlar neftni qayta ishlash mahsulotlarini ishlab chiqarish va yetkazib berishni oshirishni rejalashtirmoqda hamda energiya taʼminotining barqarorligi muhimligini tasdiqladi.
Davlat rahbarlari mamlakatlar oʻrtasidagi hamjihatlik va ularning mansabdor shaxslari immuniteti fundamental ahamiyatga ega ekanini bildirdi. Ularning fikricha, Xalqaro jinoiy sud va boshqa shunga oʻxshash tuzilmalar oʻz vakolatlarini suiisteʼmol qilmasligi kerak.
Rossiya, Xitoy va AQSh yadro urushida gʻoliblar boʻlishi mumkin emasligi va bunday urush boshlanmasligi kerakligini tasdiqladi. Mamlakatlar yadroviy xavflarni kamaytirish va yadro qurollari tarqalishining oldini olish masalalarida muloqot olib borishni rejalashtirmoqda.




