Tramp Yevropa va Zelenskiyni Moskva bilan «bitim tuzishga» chaqirdi
AQSh prezidenti Donald Tramp maxsus vakili Jared Kushner orqali Yevropa yetakchilari va Ukraina prezidenti Vladimir Zelenskiyni Moskva bilan kelishishga chaqirdi. U Vladimir Putin mojaro yakunlanishini istayotganini aytdi.

The Washington Post nashri xabariga koʻra, Tramp bu pozitsiyasini «istak bildirganlar koalitsiyasi» uchrashuvi ishtirokchilariga Kushner orqali yetkazgan. Tadbir davomida AQSh prezidenti maxsus vakili bilan 1-raqamli samolyot bortidan ham bogʻlangan.
Gazeta manbalarining aytishicha, Tramp Kreml bilan kelishuv Yevropa davlatlariga hozir Ukrainaga sarflanayotgan mablagʻlarni oʻz ehtiyojlariga yoʻnaltirish imkonini berishini bildirgan. Suhbatdoshlardan biri AQSh prezidenti Putin bilan Shenchjendagi uchrashuvlarda vaqtining katta qismini Ukraina masalasini muhokama qilishga sarflaganini aytdi.
Avvalroq Bloomberg manbalarga tayanib, Tramp 30 nafardan ortiq jahon yetakchilari bilan suhbat chogʻida Rossiya prezidenti bilan muzokaralarni muvaffaqiyatli deb atagani va Ukrainada tinchlikka erishishga yordam berishga tayyorligini bildirgani haqida yozgan edi. Uchrashuvda AQShning maxsus vakillari Stiv Uitkoff va Jared Kushner ham qatnashgan.




