Ford Fathom elektro-pikapini yaratishda 146 ta detalni ikkita quyma detal bilan almashtirdi
Ford yangi Fathom elektro-pikapini ishlab chiqarishda yirik oʻlchamli alyuminiy quyish texnologiyasini joriy etmoqda.
Kuzovning old va orqa qismlari uchun moʻljallangan ikkita yaxlit quyma detal 146 ta alohida konstruktiv elementning oʻrnini bosadi. Tesla avvalroq shunga oʻxshash texnologiyadan foydalanishni boshlagan edi.
Kompaniya AQShning Shelbivill shahridagi korxonada bunday quyma detallardan 5 000 dan ortigʻini allaqachon ishlab chiqardi. Ulardan ishlab chiqarish jarayonini sinash va prototiplarni yigʻishda foydalaniladi.
Ishlab chiqarish alyuminiyni taxminan 700 °C haroratda eritish va metallni maxsus qoliplarga quyishdan boshlanadi. Shundan soʻng detallar oʻlchamlari tekshiriladi, ichki nuqsonlarni aniqlash uchun rentgen nazoratidan, optik skanerlashdan va mustahkamlik boʻyicha laboratoriya sinovlaridan oʻtkaziladi.
Luisvilldagi yigʻuv zavodida pikapning old va orqa qismlari, shuningdek, akkumulyator hamda salon elementlari joylashgan seksiya parallel ravishda yigʻiladi va yakuniy bosqichda birlashtiriladi.
Ford Fathom ishlab chiqarishni 2027-yilda boshlashni rejalashtirmoqda. Elektro-pikapning eʼlon qilingan boshlangʻich narxi soliqlar va qoʻshimcha yigʻimlarsiz 28 350 dollarni tashkil etadi.
