Oʻzbekistonda 20 ta texnologik startap uchun tanlov eʼlon qilindi
Tanlangan loyihalar biznesni rivojlantirish, investitsiyaga tayyorgarlik va xalqaro bozorlarga chiqish boʻyicha bepul yordam oladi.
UzDaily xabariga koʻra, Iqtisodiyot va moliya vazirligi Jahon banki ishtirokidagi FINGROW loyihasi doirasida tanlov oʻtkazmoqda. Dastur Oʻzbekistonda sanoat va ishlab chiqarishga yoʻnaltirilgan texnologik startaplar uchun moʻljallangan.
Ishtirokchilar StartupBlink asoschisi va bosh direktori Eli David Roxax bilan ishlashi mumkin. Nomzodlardan mentorlik davrida faol qatnashish, ingliz tilini yetarli darajada bilish va loyihasini rivojlantirishga tayyor boʻlish talab etiladi.
Arizalar 2026-yil 14-oktabrgacha qabul qilinadi. Loyihalar investitsiya jalb qilishga tayyorgarlik, innovatsion salohiyat, kengayish imkoniyati, bozor salohiyati va dastur yoʻnalishiga mosligi boʻyicha baholanadi.
