Oʻzbekiston va Cambridge pedagoglarni rivojlantirishni muhokama qildi
18 noyabr kuni Toshkentda Oʻzbekiston, Cambridge Partnership for Education va UNICEF vakillari oʻqituvchilar kompetensiyasini rivojlantirish hamda hamkorlikni muhokama qildi.
20-noyabr, 00:09

Uchrashuv Taʼlimni rivojlantirish respublika ilmiy-metodik markazida boʻlib oʻtdi. Unda xalqaro tashkilotlar rahbarlari va vakillari ham qatnashdi.
Tomonlar xalqaro tajribani hisobga olgan holda zamonaviy oʻqitish metodikalarini joriy etish va malaka oshirish imkoniyatlarini kengaytirishni koʻrib chiqdi. Yakunda pedagoglarning kasbiy rivoji va taʼlim sifati sohasidagi hamkorlikning keyingi yoʻnalishlari kelishib olindi.




