Oʻzbekiston va Turkiya sanoat zonalarini tashkil etishni muhokama qildi
Oʻzbekiston investitsiyalar, sanoat va savdo vaziri Laziz Qudratov hamda Turkiya sanoat va texnologiyalar vaziri Mehmet Fotih Kacir 19 noyabr kuni Toshkentda sanoat zonalari va investitsiyalarni muhokama qildi.

Tomonlar Turkiya investitsiyalarini jalb etish va Oʻzbekistonda texnologiyalarni joriy qilishga eʼtibor qaratdi. Shuningdek, qoʻshma sanoat zonalarini rivojlantirish hamda yangi ishlab chiqarishlarni joylashtirish shartlarini koʻrib chiqdi.
Uchrashuvda istiqbolli investitsiya loyihalari va texnologik sheriklik masalalari ham muhokama qilindi. Yakunda ishtirokchilar yangi loyihalarni tayyorlashni davom ettirish va sanoat kooperatsiyasini kengaytirishga tayyor ekanini tasdiqladi. Bu haqda Oʻzbekiston Investitsiyalar, sanoat va savdo vazirligi xabar berdi.




