Abbosbek Fayzullayev Saudiya Arabistoniga qarshi oʻyinda jarohat oldi
Oʻzbekiston terma jamoasi futbolchisi Abbosbek Fayzullayev Saudiya Arabistoniga qarshi oʻrtoqlik oʻyinida oʻng toʻpigʻini jarohatlab, maydonni tark etdi.
18-noyabr, 21:12

Oʻzbekiston va Saudiya Arabistoni terma jamoalari oʻrtasidagi oʻrtoqlik uchrashuvida Fayzullayev jarohati sabab maydonni tark etishga majbur boʻldi. Shundan soʻng milliy terma jamoa tibbiy shtabi futbolchini batafsil tekshiruvdan oʻtkazdi.
OʻFA maʼlumotiga koʻra, futbolchining oʻng toʻpigʻida shikastlanish aniqlangan. Shifokorlar futbolchini imkon qadar tezroq safga qaytarish uchun zarur muolajalarni boshlab yuborgan. Uchrashuv Oʻzbekistonning 2:1 hisobidagi gʻalabasi bilan yakunlandi.




