Toshkent atrofi issiqxona xoʻjaliklari «yashil» texnologiyalarga oʻtishni taklif qildi
Tarmoq vakillari poytaxt hududida qolish uchun isitish tizimlarini modernizatsiya qilish va chiqindilarni onlayn monitoring qilishni yoʻlga qoʻyishga tayyor, deb xabar beradi Gov.uz.
Poytaxt hududidagi issiqxona xoʻjaliklari ekologik toza isitish texnologiyalariga oʻtish sharti bilan ishlashga ruxsat berishni hokimiyat organlariga taklif qildi. Ular tabiiy gaz, elektr energiyasi, geotermal va quyosh energiyasidan, shuningdek, issiqlik elektr stansiyalarining ikkilamchi issiqlik energiyasidan foydalanishga tayyor.
Agar bu texnologiyalardan foydalanish imkoni boʻlmasa, xoʻjaliklar koʻmirni chiqindilarni tozalash va filtrlash tizimlari bilan jihozlangan zamonaviy qozonlarda ishlatishni taklif qilmoqda. Chiqindilar haqidagi barcha maʼlumotlar Milliy ekologik monitoring markaziga onlayn rejimda uzatilishi kerak. Tegishli idoralar vakillaridan iborat ishchi guruh takliflarni koʻrib chiqdi, biroq filtrning tajriba namunasini sinovdan oʻtkazish natijasida chiqindilar miqdori ruxsat etilgan meʼyorlardan oshgani aniqlandi.
Hozir qozonxona uskunalari filtrlari uchun xavfsiz standartlarni tasdiqlaydigan hujjat loyihasi tayyorlanmoqda. Modernizatsiyaga rozi boʻlgan xoʻjaliklar uchun subsidiyalar va soliq imtiyozlari koʻzda tutilgan. Ekologik xavfsiz tizimlarni oʻrnatmagan xoʻjaliklar poytaxt hududida ishlay olmaydi.
